Zerrspiegel [ Search ] [ Index ] [ Edit ] [ About ]

О последних событиях в Хиве 29 мая (Показания Палван-Дивана)

Description

Санкт-Петербургский филиал Института востоковедения РАН

Архив востоковедов

Ф. 33, оп. 1, № 117.

Автор: Палван-Дивана.

Язык: тюрки.

Categories

Военное дело Восточные слова Географические названия Завоевание Падишах Политика Русский Сеид Мухамед Рахим хан Ташкент Ургенч

Editor

OJ, МВ

Text

محمد رحيم خان خان بولوب يموت بيله ياولوب يموت نی آليب يودت نی فراغت قيلدی آندن سونکرا اورس عسکری تاشکند دين کيليب هزار اسب نی آلدی آندين سونکرا محمد رحيم ايلتور رايناق نی ياريم پادشاهغه يباردی من تابع بولوب يورت نی بيرديم ديب شول کون قونکرات طرفيدين کيلکان اوروس عسکری کيليب خيوق قلعه سيغه توپ آتدی شول وقتدا خان امير آتلانيب اورکنج دروازه سيدين چيقدری اوروشماق اوچون شولوقتدا اوروس عسکری توپ و ملتوق نی کوب آتدی خان نينک آتيغه اوق تيکدی امير قاچيب شهرغه کيردی خان تاشقاری داقالدی دروازه محکم بوادی شول وقتدا اميراک کالکيردی اوزی خان بولدی خان نماز عصر وقتدا قلعه غه کيرماک بولوب آدم يباردی امير قلعه غه کيرکوز مادی خفتن دين سونک ايلتوز رايناق ياريم پادشاه قاشيدين کيليب ديدی ياريم پادشاه بويوردی ايرتانک خان الديمغه جيقسون (؟) خان نی ينه خان قيلورمن امير ديدی خان قاچدی ايدی اوزوم ياريم پلدشاه قاشيغه بارور من شول کنجه (؟) خان قلعه تاشکاری سيد مهتر نينک حولی سيد ايتدی ديب اشيتدوک ايرتانک بيله امير اناق بيله ياريم پادشاه الديغه کيتدی