Zerrspiegel [ Search ] [ Index ] [ Edit ] [ About ]

بزه عايد

Description

"Хаят" (№ 95, 1905 г., 4 ноября, г.Баку)

Categories

Аллах Архиерей Вакуф Васильев Военное дело Война Восточные слова Гапон Географические названия Город и архитектура Государственная Дума Губернатор Деспотизм Инспектор Кавказ Кишинев Комиссия Конфессиональные группы Кровь Крым Медрессе Мечеть Миссионер Мусульманин Мусульманское образование Наука Нация Оценка Петербург Победоносцев Политика Правительство Право и судопроизводство Проект Профессиональные группы Равенство Религия Россия Свобода Сибирь Суд Татарин Туркестан Угнетение Фольклор Ходжа Насреддин Царь Чериванский Шаманист Школа Этнические и племенные группы Язык Японец ابراعيموف پادشاهلق

Editor

Sh.M.

Text

بزه عايد

نه زاماندر؟

شيمدي عموم روسيه مملکتي نک احوالني بر کره نظره آلئرساق، گوزلرمزي آچوب اطرافه بر باقارساق، نه لر اولدي نه لر اولدي؟ ملاحظه ايتسک اويلاماق، عقل لر فکر لر حيران اولور. روسيه حکومتي، پادشاهلق و حکومت لر آرسنده برنجي درجه ده اولوغ پادشاهلق لردن بري اولديغي حالده، بوندن يکرمي اوتوز سنه مقدن دنياده اسمي جسمي اولميان ياپون ايله محاربه ايدوب، اون سکز آي دوام ايدن محاربه ده نيچه يوز مين عسکرني تلف ايدوب بر قارش آلغه باسماينجه قاراده هم صوده مغلوب اولوب نيکلوب مقهور اولدو.

حکمت نه در؟ سبب نه در؟ هرکس اوز فکري ايله بر معنا ويرور، سياسيون بلکه سياسي اسباب لرني دخي بلورلر شبهه يوقدر.

گله لم روسيه نک داخلي احوالنه بر نظر ايده لم: بولنديغمز مملکت ايچنده نه حال لر اوليور؟ بونلره ده بز بقالم، نيجه سنه در حکومتمز رجالي عموم ملت لره ظلم ايتديلر، ظلم سنه دن سنه آرتدي قوهً حاکميه عموما ديه جک درجه ده حقوق ملّته تجاوز ايلدي: کمي نک مالنه ملکنه تعرض ايتديلر. بشقورتلرک و عموم سبريه تاتارلرنک ملک اولان توپراقلارني اللرندن آلديلر. قريم مسلمان لرنک، قافقاز، ترکستان مسلمان لرنک ملک الله اولان وقف لرني اللرندن آلديلر، کيمي نک ديننه و لساننه تعرض ايتديلر؛

کيمي نک ملي مکتب لريني قاپاتديلر اوز لسانلارنده تعليماتي منع ايتديلر، بر مسجد بناسي ايچون آرخيري رضاسني واجب و لازم ديدلر، آرخيري رضا بولماسه مسجد بناسنه رخصت يوقدر ديدلر، ديني مکتب مدرسه آچارغا لازم بولسه، ميسيونير وسيليف، يا که اسلمنسکي، ترويچلي کبي آدملردن رخصت لازمدر ديديلر، ميليونلر ايله مسلمانلره سز مسلمان دکل سز شاماني سز ديديلر. خلاصه کلام حکومت محکمه لرينده قاپوسينه نظر ايتمه همه سي بر ميسيونير محکمه سي اولديلر، کراي لرده اولان: غوبورناطورلرنک، اينسپکتورلرنک جمله سي مسيونير جماعه سينده اعضا ايديلر. همان ميسيونيرلقدن باشقه ايشلري قالمامشدي.

پادشاه اعظم حضرتلري بر طرفدن مرحمت ايدير، عموم تبعه سينه حريت اعلان ايدر، عدالتي همه يه مساوي تشهير ايدردي: پابيدانوستسيف، چيريوانسکي، بيله و کبي آداملر عموم ملت لر حقنه تجاوز ايدر هر کشي نک اختيارني الندن آلورلر ايدي. اشته شو ظلم لرنک نتيجه سي شمدي مملکتي نه حاله گتوردي. نيچه سنه (ايل) اولدي مملکت ايچنده قان دوکليور: کشنيوف وقعه مدهشه لري. غربي

روسيه ده، بوندن ايکي اوچ سنه مقدم نه قدر قانلر دوکلدي؟ نه قدر جانلر تلف اولندي؟ نه قدر

خان مان لر خراب اولنري؟ پاد شاه اعظم حضرتلري بو حاللري مشاهده ايده رک؛ 1904 سنه سي

12 نجي ديکابرده عمومي مناسبت ايله تبعهً صادقايه سنک جمله سنه مساوات و حريت دين مسـًله سني اعلان ايلديسه گينه رجال حکومت پادشاهک فرمانني خلاف مطلب مطالعه ايدوب، حريت مقامنه استبدادي آرتديرديلر، بومک ايله 1905 سنه يانوارنده غاپون خروجنه سبب اولوب، پاي تخت اولان نفس پترسبرغده کليتلي قان توکلمسنه، بکلرجه آدمن تلف اولمه سينه سبب اولديلر.

البته بو کبي فتنه لر آرتدوقجه، ملت ايچنده حيرت آرتوب، بر بري آراسنده عداوت لره دخي سبب اولوب، گوندن گونه مملکت داخلنده فساد چوخالمقدن بشقه بر فا........ده اميد اولنه مزدي. پادشاهمز همان مرحمتده قصور ايتمدي، 1905 سنه سي 17نجي آپريل ده تکرار حريت دين حقنده فرمان لري صادر اولديسه ده، حکومت رجالي اوز آرالرنده معلوم بولغان سوًنيته مبني، تکرار ايمپراطور فرمانني هر نو کاميسيه لره تسليم ايدوب، چيريوانسکي کبي آدملر الينه پرايکته لر يازلمه سي نه حواله اولنمشدي! مملکت داخلنده قانلي فتنه لر هميشه دوام ايلدي. نهايت 2نجي آوغوست ده (غاسودارستوانني دوم) ملت ديواني آچلمه سي ايچون پادشاه تکرار فرمان ايلدي. بو فرمان دخي بوليغين تحت تصرفنه کيچوب، نصرالدين خواجه نک قوشنه بکزه مش: قولاقسز، بورون سز، گوزسز بر شي اولمشري. (...)

ع. ابراعيموف