Zerrspiegel [ Search ] [ Index ] [ Edit ] [ About ]

١٩٠٥ نجي سنه انقلاب جريانينه داﺌر غزل

Description

Институт Рукописей НАН Азербайджана

Шифр: М-131/3043

Л.308-309

Автор: Аббас-ага Гаибзаде Назир

Язык: азербайджанский

Categories

Администрация Военное дело Восточные слова Газель Географические названия Грузин Еврей Единство Знамя Кавказ Конфессиональные группы Мусульманин Нация Неверный Николай II Октябрь Политика Пророк Революция Религия Россия Русский Свобода Суннит Указ Фауна Шиит Этнические и племенные группы ناظر

Editor

Sh.M./M.M.

Text

١٩٠٥ نجي سنه انقلاب جريانينه داﺌر غزل

نه عجب وقت زمستانده کلستان اولدي

آچيلوب غنچه و کل خرّم و خندان اولدي

سرو قالميشدي چمن ايچره اياغي باغلو

اولوب آزاد کلستانده خرامان اولدي

مرغ بستان نيچه مدتدي که لال اولميشيدي

ايندي يوز ساز و نوا ايله غزلخوان اولدي

ساقي بزم آياق چکميشيدي مجلسدن

حاليا دوتدي آياق مشربه کردان اولدي

بختدن ايتمه شکايت دخي اي دل که بو کون

طالعک يار و کونش کيمي درخشان اولدي

ايمپراطور کلّ روس نيقولاي ثاني

طرف ذي شرفندن بيله فرمان اولدي

که کرک اولا حريت محکم برپا

لطف شاهانه سي خلقه بيله شايان اولدي

يعني حريّت جمعيّت و وجدان کلام

جمله روسيّه اهاليسينه احسان اولدي

رخنه ياب اولميشيدي کهنه نظامک تملي

ضرب فرمان همايونله ويران اولدي

سرنکون اولدي بيورو قراتلرک بايراغي

صفلري درهم و بالمرّه پريشان اولدي

نه کوزه ل کوندي اون يدّيسي اوقتبر آينيک

نه کوزه ل کار همين کونده نمايان اولدي

مرحبالر سکا مايه ً جان حريّت

که قدومکله مشرّف نه قدر جان اولدي

سن او محبوبه ً دل سن که جمالک کورکج

خلق روسيّه سکا واله وحيران اولدي

سن او معشوقه ً جانسن که ره عشقکده

نيچه بيک جان عزيزان سکا قربان اولدي

آيدين اولسون کوزيڭ اهل ديار قفقاز

عدل شه رحمت حق حلقه فراوان اولدي

کورجي و روس و مسلمان و يهود و زمّي

اختيارات حقوقاتده يکسان اولدي

ياتما اي ملت کوزيم بيدار اول

جهد قيل منزله چات کيم يولڭ آسان اولدي

فکر قيل کور نه دي آزادکي حريّت

کوش وهوش ايله ايشيت کور نيچه دوران اولدي

چاره سز درده دوشوب خسته ايديڭ مدّتلر

شکر کيم ايندي سنڭ درديڭا درمان اولدي

غيرت و همّت ايديڭ اي علماي اسلام

عمد پيغمبر و عصرشه مردان اولدي

اتحاد اوزره اولڭ جان و دليله چاليشيڭ

خاصه کيم ايندي بيله فرصت و امکان اولدي

شيعه و سنّي سوزين مطلق آرادن کوتورڭ

چون زمان دکشيريلوب دهر دکرسان اولدي

تاجمان وار خدايا ياشا سون حرّيت

شرف و فخر وجود همه انسان اولدي

صرف قيلساڭ يري در ناظر اگر جان نقدين

چون او محبوبه ً عالم سکا مهمان اولدي