Zerrspiegel [ Search ] [ Index ] [ Edit ] [ About ]

مناجات :محترم (تولا) شاعری شعريغه تخميس پادشاه ايمپيراتور حضرت لاری اچون الله تعالی دين ظفر تيلايورمز

Description

Источник: «Туркистон вилоятининг газети» 1914 год, №73).

مناجات :محترم (تولا) شاعری شعريغه تخميس پادشاه ايمپيراتور حضرت لاری اچون الله تعالی دين ظفر تيلايورمز

Мунаджат-мухаммас М. Шермухаммедов (1895-1929) на газал Тавалла (1882-1939) в поддержку русского царья.

Язык: русский

Categories

Австрия Ардашер Венгрия Вилгельм Военное дело Война Войско Восточные слова Враг Географические названия Германия Государство Европа Запад Зулфикар Император Мирмухсин Шермухаммедов Молитва Мусульманское образование Нищий Оценка Падишах Плен Политика Религия Родина Россия Тавалла Ура Фикр Шах

Editor

BB / IF

Text

مناجات

محترم (تولا) شاعری شعريغه تخميس پادشاه ايمپيراتور

حضرت لاری اچون الله تعالی دين ظفر تيلايورمز

پادشاها دشمنينک بولسون اسيری مبتلا

تيغ کوتاردی فهم قيلمای عيب دين کورسون جزا

اول تکبرلارنی ينچماغينک اوچون بزلار دعا

ايلايورمز دايما بولسون مددکارينک خدا

مدحينکنی ايلاب دوام قيلغای دعا شاهُ گدا

عسکرينک نصرت که نائل دور اوروش ميدانيده

قائل اولدی ضربيکه آوستريه کيرمانيده

توت کبی توکغايکه دشمن لارنی هر جولانيده

دولتينک تابسون ترقی بول جهان ايوانيده

دايما يتسون سنکه بيل حق دين احسان و عطا

ياوروپالارنينک باريغه سن ايرورسن همدمی

امرينکه طياردور هيچ قی برين چيقمای دمی

توشتی کونکلونکغه مقدس بول وطن نينک بر غمی

ايلادينک اعلان حرب ای پاديشه لار اعظمی

وصفينک تحرير قيلسام مطلقا بولمس ادا

شدتينکدين دوشمنينکده يغلايور ياش قری

ياغدور اوقنی برچه سی کيتسون حدودينکدين نری

تاف ظفر ای قهرمانلار ديب دعاده ايل بری

بر شجاعت کورکوز ايمدی ای سلوبان عسکری

دفعتا قيلغيل مجارستان ايلين ماتم سرا

آل غنيمت اولجه لار توشسون قولينغا حربده

قوتينکدين تيتراسون بيزکک چه انسان غربده

بی درک ايلاب يوبار دشمن لارينک بر حربده

شير بيلاک قاپلان يوراک بولکيل هميشه ضربده

غيرت ايت کوکرک بريب کويا بوليب بر اژدها

يولغه توشتونک اجتهاد برله که دشمن لار سری

ايز جغين کون بيرمای اصلا قير شيفيلب انلاری

ای کونکل ليک قهرمان لار وی وطن نينک رهبری

ايلاکيل کيرماننی کيريان ای راسی نی عسکری

دشمن اول جهال ايلين باشيغه سال تورليک بلا

کورسا بول شوکت ده سزلارنی عجب حيران بولوب

چاره تاپمای ويلهليمنی تورمشی نالان بولوب

مردليک ميدانيده لاچين کبی چققان بولوب

دشمنينک قارنينی تيلسون خنجرينک بران بولوب

بولسون اوتکورليکده مثلی ذو الفقاری مرتضا

پادشاها دايما يارينک خدا بولسين سنکه

کرهء ارضده بهادرليک نشان کيلسون سنکه

وقت دور ضربينکنی کورسات باشقه لار بيلسون سنکه

يتی قت کوکدين ملک لار آفرين قيلسون سنکه

چون طرا قلاب چيقسه کوکغه زنبرک لاردين صدا

اوزکه دولت لار عدالتده سنينک تاج ايلاسون

شهره تينکغه تيترايوب بارو يوقين باج ايلاسون

شمشرينک قانکه بوياب دشمن نی اخراج ايلاسون

فتح ايتوب هم عسکرينک کيرماننی تاراج ايلاسون

لشکرينگ دور ارده شير هيج بر سوزيمده يوق خطا

نصرتينک حقدين سوراب دايم عبادت کيچه لار

بول وطن قيغوسيده (فکری) ندامت کيچه لار

بار ايکان نحن قسم ده بو علامت کيچه لار

(پادشاها) سنکه کورساتديک صداقت کيچه لار

چنکه قيلدينک (تولا) ايلاشيب اورا اورا