Zerrspiegel [ Search ] [ Index ] [ Edit ] [ About ]

مکتبلرده خيال فنار ياخود سينه ماتوغراف

Description

ع. توفيق

مکتبلرده خيال فنار ياخود سينه ماتوغراف

"Haqiqat" (Баку), 1910, 01 июля, # 149

Язык: Азербайджанский

Научно-популярная статья

Categories

Англичанин Армянин Баку Борьба Военное дело Воспитание Географические названия География Город и архитектура Грузин Гянджа Европеец Естественные науки Институт Кинематограф Китайская стена Книга Культура Литература Локомотив Мечеть Айя-София Море Мусульманское образование Немец Николай Павлович Полушкин Оружие Османец Оценка Пароход Печать Поселок Природа Прожектор Просвещение Река Ремесло и промышленность Русский Самооценка Сахара Смета Тифлис Транспорт Ураган Урок Усыпальница Ученик Учитель Фабрика Француз Этнические и племенные группы ترقي تمدن

Editor

Sh.M.

Text

ترقي، فن کشفياتنك تطبيقنده تعصب تردد گوسترمه مکله اولور. ترقي نك نقطهً توقفي يوقدر. طبيعتده ترقينك دوره جفي « تکامل » آدلانير. بو، چوق آغير آغير ايله ريلر، حياط و صناعتده اولان ترقي ايسه، باشلري دوندوره جك بر سرعتله قوشار، دورماز. توقفه محکوم بويوك قوتلري آرقادن گله ن ضعيف قوتلر دايما کچه ر. مع التاسف بو حقيقتلري بيزلر دها تقدير ايتمك ايسته مييورز. ايستمييورز که آوروپاليلردن آلديغمز، گوتورديگمز، اوگره نديگمز ترقي و نمدن اسبابني اولديقي کبي بير آز ده قيريق، دوگون بيچمده اورتايا چيقارير، سه وينير، باشينه اوشوشور، تفاخر ايده رز. مقصده يينه ايره مه ايز. يينه آوروپاليلردن گيريده، چوق گيريده قالمش اولديقمزي تاسفلر ايله گورور، قيزار، بلکه ده حدت و تعصبمزدن آغلارز... بونلر هپسي ترقي و تمدنك کوکيني، روحيني بيلمه ديگمزدن، گورمه ديگمزدن ايله ري کلير. هپ ظاهري تقليدلره اوزنديگدزدن، او روحي، او کوکي اله کچيرمک ايچين ايديلمسي لازم کلن - يکونچه کلي دخي اولسه معنوي فوايدجه هيچ حکمنده و غايت جزوي بولنان فداکارلقي و مصارفدن چکينمه مزدر. کلي پاره لر صرفي ايله مکتبلر آچار و ياخود اسکي مدرسه لرمزي اصلاح ايده رز. اورتا درجه مکتبلرك مرامنامه لريني آز – چوق تغيير و تبديلدن صوڭره قبول ايله مرامه يتشديك ظن ايده رز. آرتيق جلب ايديله ن معلملرك درجهً تيقلدارلري نه مرکزده در، کتابلر ناصلدر، تعليمات لوازمي وارمي، هانکي اصول تدريس تعقيب ايديليور؟ بورالري قارانلق پك قارانلقدر.

اصول تدريس و تعليمك نه ديمك اولديغي دها آڭلاشيلمليان بير مملکتدن، ولو بيزجه اولسون، الفبا تعليمني بيلمه يه ن بير ملتدن معنوي فيضلر، فايده لر اوميورز.

اوه ت بيزيم تربيه مز ملي بير تربيه، ممکن ايسه، مدنيتمز دخي خصوصي بير مدنيت اولماليدر. بير انگليز بير آله مان مالي، جاني بير فيره نك و روس ماليندن، جانيندن نه قدر آيريليور و آيري بير چهره گوسته ريورسه، بيزمکي، بيز ترکلرنکي ده اويله اولسه يدي، فنا اولمازدي... بو بيزم روحمزك ايچينده، درين بير يرنده قالسين ساقلانسين، شيمديلك بيزه معارف و ضمايع لازم. بونلري کيم اولورسه، اولسون اونلردن آلمالي روحمزك، حسياتمزك رنك و روغنيني ده قاريشديروب، صوکره خوصوصي بير چهره ايله ميدان مبارزه يه چيقه بيليرز.

بيزم بو واديده بيوك خطالرمزدن بيريسي دخي ايکنجي، اوچنجي اللره محتاج قالمامزدر. کويا دلالسز، سيمسارسز ايش گورمك ممکن دگل ايمش. اصل ايله فرع بيرميدر؟ اصل درين گيدر، يرله شير، ثابت قالير. فرع ايسه، ضعيف اولور، اوينار، صاللانير. ارضمز گوندوزلرين گونه شدن، گيجه لري دخي – آيدينلق زماني – آيدن ايشيق آلير.

برنجي دوغرودن دوغرويه و بلاواسطه اولديغي ايچين نه قدر شعشه دار و کسکين ايسه ايکنجي دخي طولاييسيله اولديغي ايچون او قدر حزبن و سونوکدر. شيمدي بز قايناقدن استفاضه ايتمگه چاليشمالي ايز. او قايناغك فيشقيرديغي صوك تجليات فنيه دن، کشفيات مدنيه دن بريسي ده تعليمده و هر يرده، هر شيده تطبيقاتسيز يعني عملياتسز نظريات، يرسز سوزه بينسز باشه، روحسز وجوده بڭزه ر.

بو نقطﺔ نظردن مکتبلرمزده و گيجه درسلرمزده يول بولوب، گيرمه سي آرزو ايديلن تجليات فنيه و مدنيه دن بريسي دخي « سينه ماطوغراف » در. بونك مصارفي چوق. بو جهتدن گوج. لکن قولايي وار. زمانمزده همان هر شهرده، هر قصبه ده بر سينه ماطوغراف دايره سي واردر. صاحبي ايله گوروشوب، اويوشمالي. مکتبلري آز فيات ايله قبول ايدرلر. جوغرافيا يه، تاريخه، علوم طبيعيه يه، ادبياته، صنايع نفيسه و جسيمه يه داير لوحه لر گتيرتديرمه لي، شاگردلره سير ايتديروب، توضيحات ويرمه لي. کچنلرده باکو معلمه لرندن بير خانم افندي دخي بو خصوصده شهر اداره سنه بياننامه ويرمشدي. غالبا مکتبلر قوميسيوني (؟) آردينه اوردي !

سينه ماطوغرفدن درس اثناسينده استفاده شيمديلكنا ممکن کيبي. بونك ايشيني خدمتيني عثمانليلرك « خيال فنار » روسلرك « Волшебн. Фон.» ديديکلري و ابتداﺌي سينه ماطوغرفدن ماعدا بير شي اولميان آلت دخي گوره بيلور. بو هم اوجوز، هم ده مختصر اولديغي ايچون درسخانه يه دها يارار و مکتبجه دخي دها الويريشليدر. گورجي، ارمني مکتبلري بوني قبول ايتديلر. بو گونلرده تفليس ابتداﺌي مکتبلر مديري دخي بوني تقدير ايتدي. سنتيابردن اعتبارا تعميم ايده جگني سويلدي. بو گونلرده تفليس معلملر اينيستيتوتينده کي معلملر اجتماعنده دخي حسن قبول گوردي. بونك ايچون کله جك سنه (١٩١١) «کشفنامه» سنه (اسمه تا) آيريجه تخصيصات داخل ايده جکلردر.

عجبا بونك قايده سي نه؟

«اايشيتمك گورمك مثال اولورمي؟»

«شنيدن کي بود مانند ديدن؟»

ديمشلر. جوغرافيا درسينده سد چنﻙ تعريفاتي و ياخود صحراي کبيرﻙ حياتي کيچيليور. اوقوماقله تکرارلر ايله اوزون مدت خاطرده قالماز که. بر کره رسمي گوريلديمي خاطردن چيقماز که، بر چيچه ﻙ، بر حيوان تعريف ايديليور. مطلقا طبيعي رنگي ايله، بيچيمي ايله گورولمه لي، گوسته ريلمه ليدر. اسکي بر ترکكسلاحي، لباسي، سيماسي اوقونويور. بويوك دارانك تربه سي نك صورتي اسلوبي (...-؟) يازيليور. تاريخك بو کبي تصويرلري رسمسز فايده ايتمز. عثمانليلرك بويوك و عفو اولونماز بر قصورلري ده بودر:

تاريخ يازارلر، ترجمه ايدرلر، رسم قويمازلر. سينووسك ترجمه لري ايشته بو جهتدن شکستدر. ايفهل قوله سي نك، آياصوفيا جامعي نك، چوقه و کاغذ فابريقالرينك، واپور و لوقوموتيفلرك رسملري، شکللري گورولورسه، ذهنده دها درين ايز بيراقمازمي؟ دڭز گورمه ين، نهر طانيمايان، فيرطينه بيلمه ين بر گنجه لي چوجوق بو الواح و حادثات طبيعيه يي عقلينه سينه ماطوغرافسز، خيال فنارسز ناصل صيغيشديره بيلير؟ هله گيجه درسلرينده تنوير افکاره دها زياده خدمت ايده ر. او لوحه لر گوستهريلير، توضيحات ويريلير ايسه بوندن فايده لي درسمي اولور؟

نيقولاي پاولوويج پولوشکين آدلي چاليشقان صاحب مسلك و هنر بر ذات محضا مکتب اداره لرينه قولايلق اولمق مقصد معارفپرورانه سي ايله تفليسده بر دايره حاضرلامش. آرزو بويورولان محللره غايت جزوي بر کرا مقابلنده علم و فنك هر قسم شعبه لرينه داير زنگين لوحه مجموعه لري گونده رييور. قيريلان و غايب اولان مکتبك آياغينه در. معلم افنديلر لوحه لري گوسته رديگدن صوڭره يينه صاحبنه اعاده ايده رلر. گوزل تشبث. استفاده ايتمه لي مکتبلرده برر دانه ٧٠ – ٨٠ مناتلق «پوروژه قتور» «Прожекторъ» اولورسه آيده بر دخي لازم گله ن رسملر مذکور دايره دن ايسته نيلير. گوسترديلر ايسه بر درجه يه قدر مقصده ايرمش اولور و شاگردلرمزك دخي معلوماتلري آرتار. مذکور ذاتك آدرده سي شودر:

Тифлисъ, уголъ Михайловской и Пастеровской ул., домъ № 142, Николай Павлович Полушкинъ

بو آدره سي بوتون معلم آرقاداشلرمه و مکتب اداره لرينه تقديم ايده رم.

ع. توفيق