Zerrspiegel [ Search ] [ Index ] [ Edit ] [ About ]

کيفم گلنده

Description

بريسي (Псевдоним)

کيفم گلنده

صداي حق «Сада-йи Хак» (Баку), №22, 1914 г., 29 января

Язык: Азербайджанский

Categories

Астрахань Баку Вино Водка Военное дело Восточные слова Географические названия Дагестан Еда и напитки Женщина Закон Казань Лезгин Оренбург Офицер Петербург Питейные лавки Политика Правительство Право и судопроизводство Религия Россия Русский Рязань Самооценка Саратов Табак и наркотики Татарин Турция Уфа Энвер паша Этнические и племенные группы

Editor

Sh.M., МВ

Text

کيفم گلنده

تمام روسيه ده ايلده نه قدر عرق ايچيلير و اوندان مسلمانلرك پاينه نه قدر عرق دوشور بونلاري من ياخشي بيلمرم، انجق بوراسين بيلورم که چوخ چوخ ايچيلور؛ بوراسنده بيلورم که بزيم باکونك مادرزاد مسلمانلريندنده عرق ايچني چوخدر اما قزاندن، حاجي طرخاندن، ساراتوفدن، ريازان طرفندن، اوفادن، اورينبورغدن گلن تاتار قرداشلاريمزده بزيم داغستاندن گلن لزگي قرداشلارمزه قاريشوب باکوده عراقي چوخ بهالنديريرلر.

حتي اوگون گيجه ساعت برده يولك اورتاسنده جرجندانك ايچنده قوجه، يعني تخمينا آلنميش ياشنده اولاردي لول قنبر، يوليك آلت اوستين باسان بر عورت گورديم، من ديديم بس عادتي روس قاريلاريندندر، صوڭره معلوم اولدي که بوده بزيم تاتار قرداشلرمزدندر.

خلاصه هيچ بيلمرم بورا هاردن گلوب چخديم، انجق معلوم اولور که تمام روسيه ده سکونت ايدن اهالينك هر برينه حتي سوت امر اوشاقلاريده، هيچ عمرنده عرقن اوزين گورميه نلريده حساب ايله سك، ايلده ياريم ويدره عرق دوشور.

ايندي ايچمه ينلرينك پايين کيملر ايچير بوراسنده ايشيم يوخدر، سوز يوخدر که ايچن مسلمان قرداشلاريمزك غيرتي قبول ايتميه جك که ايچمه ين مسلمانلارك پايني اجنبي ملتلر ايچسون، هله باجارسه لر اوزگه لرك پاينده اوزلري مزديه جکلر ...

خلاصه حکومت کيشيلري باخوب گوريرلر که ايشلر شولوخ اولور، بر بو قدر عرق اولماز، خلقده دها قارين قالمادي، گوتوروب بر قانون لايحه سي قايريرلر که عرقك ايچلمگي بر قدر آزالماق ايچون گيجه ساعت اون بردن صوڭره شيره چي دکانلري باغلانسون و اگر بو لايحه کيچسه چوخ تيز اولسه اوچ ايله کيمي انجق قانون گوجنه گيره بيله جك که انجق اونده شيره چي دکانلرين ساعت اون بردن صوکره باغلاداجقلر.

اگر بيلديڭز بو قانون لايحه سي کيمه چوخ اثر ايدوب؟

يوخ سيز بيلمزسڭز، قويك اوزوم دييم؛ اولا پيتربورغ شيره چيلرينه، چونکه آليش ويريشدن دوشه جکلر.

ايکنجي تورکيا ضابطلرينك بعض سنه اوقدر تاثير ايدوب که انور پاشانك شرابي نهي ايلمگينك مقابلنده سوز بر ايليوبلر که اوني اولدورسونلر. اما شريعتمدارك هيچ ويجنه ده اولميوب، او کشي نه باغه گيدير، نه باغباندن منت چکير، شرابچيدن گيدوب شراب آلان دگل، بر زاد دگل، شراب اوز ايوينده، اوز امبارنده، مين قوناق گله برندنده خجالت اولماز !...

بريسي