Zerrspiegel [ Search ] [ Index ] [ Edit ] [ About ]

سمرقندده برنجي اصول جديد مدرسه سينك رسم امتحاني

Description

هاشم اوف

سمرقندده برنجي اصول جديد مدرسه سينك رسم امتحاني

"Таракки", №145, 1909 г., 1 июля

Язык: азербайджанский

О газете: газета "Таракки" (ترقي) издавалась в Баку в 1908-1909 годах. Главный редактор - Ахмед-бек Агаев.

Categories

Восточные слова Враг Газета Генерал-губернатор Географические названия География Еда и напитки Жилище и утварь Инспектор Кади Класс Культура Мусульманское образование Муфтий Наука Нация Переводчик Перс Персидский Песня Печать Поведение Политика Правительство Право и судопроизводство Просвещение Профессиональные группы Религия Рубль Русский Самарканд Стакан Таракки (газета) Туркестан Ученик Учитель Фольклор Чай Шариат Экзамен Этнические и племенные группы Язык اصول جديد ترکي عربي علما قاضي نياز محمد رحيم باي ايش محمد باييف محمود خواجه بهبود خواجه زاده ملا ابراهيم ملا عبدالقادر افندي ملا عصمت الله هاشم اوف کارخانه

Editor

Sh.M.

Text

سمرقندده برنجي اصول جديد مدرسه سينك رسم امتحاني

ايون آينك ١٢ سندن ١۴ دينه کمي سمرقندده برنجي حساب اولنان بش ايلدن بري ملا عبدالقادر افندينك تحت رياستنده گوندن گونه ترقي ده بولنمش اصول جديد مکتبنك عمومي امتحاني اولدي.

اول بوني عرض ايده لم که بش گون عمومي امتحاندان اول جميع والدين اطفاله بر نچه گون خصوصي امتحان اولديقين و هرکس ايسترسه زحمت چکوب گلوب اوز اولاديني امتحان ايتمگن خبر ويرمشديلرسه ده اهالي نك علمسزلگندن مي، يوخسه معارف ناشناسلقندن مي، خوصوصي امتحانك اهميتني دوشونممگدن مي، بو بش گونده بش نفر ده اولسون گلمدي.

غرض کچك مطلبه:

١٢ ايونده عمومي امتحان باشلادي عمومي علان موجبنجه هامي اهاليني و معارفه دوست اولان بعض اشخاصي خصوصي پاکت واسطه سيله دعوت ايتمشديلر و معلم جنابلري خصوصي اولارق گيدوب گنرال غوبرناطوري و جناب اينسپقتوري دعوت ايتمشدي.

مکتبك مکاني اول معلمك اوز باغنده و صوڭره آثار قلمي ايله جميع ترکستانده مشهور اولان جناب محمود خواجه بهبود خواجه زاده نك ايوينه آپاريلماقده ايدي. تا اينکه کچن ايل امتحاندن صوڭره سمرقندك اك بيوك تجار و صاحب احتراملرندن اولان عزتلو محمد رحيم باي ايش محمد باييف حضرتلري اوز خواهيشلريله خصوصي خانه لرينه گتورمشلر.

بو ضاتك توصيفنده بو قدر کفايت ايدر که اوزينك نچه مينلر خرج ايدوب تيکديرديگي ايکي مرتبه عمارتي که حقيقت سمرقندده برنجي گوزل باصفا ايولردن حساب اولنار، عموم اختياريني معلم جنابلرينه بوراخمشلر.

دوغريدان باي جنابلري مکتب باره سنده آرتوق علو جنابلق اظهار ايتمشلر.

ساغ اولسون بيله ملت بابالاري وار اولسون بيله معارف چراغين ايشيقلانديران باي بابالارمز.

غرض جمعه گوني سحر ساعت ٩ دن امتحانه جماعت دسته دسته گلمگه باشلادي. معلم جنابلري ده هر صنفي اوچ شعبه يه بولمشدي بو اوچ گون امتحان ده هر صنفدن بر شعبه امتحان ويروردي. حقيقت بالاجه بالالار گرك شريعت درسنده گرك جغرافيا و حساب علمنده آرتيق مهارت گوسترورلردي. هر زمان ملي فارسي، عربي، ترکي نغمه لراوخويوب حاضروني معارف باغنك بي زوال ميوه لريندن متلذذ بيورورديلر. اول گوني ضهردن صوڭره شهرمزده ساکن اولان ايرانلي معارف پرور قارداشلارمزدن بر دسته گلوب بالالاردن بر قدري امتحان سوروب آرتيق رضامندلك ايدوب پاکت ايچنده معلم جنابلرينه بر نچه روبله اعانه ده بولنديلر. بو اثناده خصوصي آپارات واسطه سيله ايرانلو قارداشلرمزك بري اوچ دست فتوغرافيا عکس گتوردي.

ساغ اولسون بو نوع اتحاده خدمت ايدن قرداشلرمز.

ايکنجي گوني کنه ساعت دوقوزدن باشلادي جماعت گلمگه ساعت اون بر تمامده که معلم اوزي ده ايچري ده بالالرك درس و نظامه مشغوليدي بي خبر اولارق غوبرناطور جنابلاري ترجمانيله برابر مکتبه وارد اولدي. الحق بو جنابك بو نوع بالاجه بالالرك دعوتلرينه گوره مکتبه تشريف گتورمه لري هم گوزل اولدي و هم هر کسك يورگنده او جنابه قارشو محبت ابراز اولندي. غوبرناطور جنابلريندن صوڭره شهرمزك اك بيوك علماسي قاضي نياز جنابلري ده بر نچه نفر مفتي لرله تشريف گتورديلر. غوبرناطور حضرتلري بر نچه بالاجه اوشاغلري بر بر چاغروب جغرافيا و حساب علم لريندن ترجمان واسطه سيله سوروب هامو سواللرينه موافق جواب آلديقده آرتوق خوشحال اولوب معلم جنابلرينه تشکر لرين اظهار بيورديلر.

صوڭره يوزلرين قاضي جنابنه دوتوب بو نوع فرمايشده بولنديلر: « من آرتق ممنون اولدوم بو مکتبه گلمگدن. البته سز جنابلره ده لازم در که صرف همت ايدوب چالشه سڭز بو بالالارك تربيه سنه نه اينکه بر ايکي بلکه جميع مکتبلري بو اصول ايله اوخوتديروب بالالاره قازيت لر اوخوته سڭز و اوزلرڭزه رحمت ايدوب بر ايکي غزته چيخاره سڭز تا سز جنابلر واسطه سيله ملتده اوز معيشت و گذراننه و بش گون عمرين راحتليق ايله کچيرمگه نايل اولا. البته گرك بو بالالارك تربيه و حسن اخلاقنه ممکن درجه سعي ايده سڭز. چون بو زمانه علم و تربيه زمانه سيدر». بو جنابك فرمايشلرينك جوابنده ملا ابراهيم آدنده بر شخص بر مختصر نطق اوخيوب عموم جماعت طرفندن رضامندليك اظهار ايدوب عمرلرنك و مرتبه لرنك آرتماقينه دعا ايدوب بالالرده اورا صداسيله آلقيشلاديلر.

او جناب ده آرتق درجه شاد اولوب بالالره خدا حافظ دييوب تشريف آپارديلر. جماعت ده گنه دسته دسته گلوب هره بر استکان چاي ايچوب بالالرك اوخوديقلري منظومه لره قولاق ويروب گيدورديلر تا اينکه اوچنجي گون که امتحانك آخر گونيدي اينسپقتور حنابلري بر نچه مصاحبله برابر تشريف گتوروب مکتبه و بالالره نظارت ايدوب هر صنفدن بر ايکي شاگرد چاغروب امتحان ايدوب آلديقي جوابلره آفرين خوان اولارق ممنونيتلرين اظهار ايتديلر و معلم جنابلرينه تکليف ايتديلر که بر نفر روس معلمي گتوروب گوتده بر ساعت ده روس درسي اوخوتمالي معلم ده جماعتدن هيچ گونه معاونت اولماماقي و اوزينڭده آرتيق قوه سندن خارج اولديقني اظهار ايدوب انسپقتور جنابلري: يوخ البته گرك جماعت کومك ليك اولسون و جماعت کومك لك ايدرسه منده حکومتدن بر قدري کومك ايتمگه چاليشاجاقم دييوب وعده ايتديلر و گيتديلر.

آخشامه کمي بقرار سلبق بالاجه بالاجه بالالر اوخويوب و جماعتده گلوب گيتمگده ايديلر.

الحق مدرسه شاگردلري بو اوچ گونده ويرديگلري امتحاندن جميع مکتب دوست اولان جنابلري بي اندازه اميدوار ايتديلر.

خوشبخت اولسون او آتالر که بالاجه بالالارنك بيله علم کارخانه لرينده تربيت تاپماقه موفق اولوبلر. منده بر نچه کلمه اوز رضامندلگمي مکتبده کي خليفه لره خصوصي معلوم معلم اولان جناب ملا عصمت الله جنابلرينه و ملا ابراهيم جنابلرينه اظهار ايدرم الحق بو ذاتلر بو نچه گونده آرتيق زحمت چکوب فداکارلق اظهار ايتديلر.

ساق اولسون معارف يولنده هر نوع زحمتي قبول ايدن جوانلرمز!

وار اولسون مکتب يولنده صرف مال ايدن اغنيالرمز!

يوخ اولسون معارف گونشندن گوزلري قاماشان ملت دشمنلري!

هاشم اوف