Zerrspiegel [ Search ] [ Index ] [ Edit ] [ About ]

Стихотворение посвященное критике Дукчи-ишана - предводителю андижанского восстания 1898 г.(усл.,аноним, №1)

Description

Первое анонимное стихотворение (Государственный архив Республики Узбекистан, №1009, Личный фонд Н. Остроумова, опись №1, дело №143, лист 16).

Categories

Андижан Битва Военное дело Война Войско Восточные слова Газават Географические названия Дукчи Жилище и утварь Земледелие и ирригация История Казань Казах Кашгар Кипчак Киргиз Копье Котел Культура Люди (Этнографическое описание) Миршаб Мужик Музыкант Мултук Оружие Политика Пушка Религия Ружье Русские слова Самооценка Таджик Узбек Фалгар Флаг Фольклор Этнические и племенные группы توره قيليچ موجوك ميلتيغ

Editor

AE, MB

Text

نظم واقعهء دوكچى ايشان

بير خبر جنون اثر ايشيته ميز اوزاق دن

آسى انديجان تلان دوكچى زن تلاق دن

بير نيچه مشت پر بلان چومچوق و زاغ لار بلان

دعوى بازليك قيلكان قرغه وقرقناق دن

اسكرى جمعى بى پدر لولى نجان بد كوهر

خوك خصال و سك سير در بدر سياق دن

آمى و مله پوش لار جيران دوغ فروش لار

كربه مثالى موش لار صبحه سى ناس قاباق دن

كويلاكى چيركين و تروش جنده سى پرچهء پروش

بوركه بيتى قيلور اوروش سله لارى سيچاق دن

غلچهء غور موجوك قيرغيز تورهء كموك

تجيك و اچيق چوچوك فلغرى قزاق دن

اوزبك و جوكى پرتك قيپچاق وفج نيم رنك

حومزت التزنك قشقرى سچاقدن

قريه سى ايركك خاتون توفنكى تيزك اوتون

غزات كه چيقتى لار بوتون حربه سى آش پچاق دن

بيراقى ايسكى جاى نماز توشه سى روزهء نماز

تمع سى بيم و پياز دونبركى بوقاق دن

فكرى غزاده ايرته كيچ قوى نينك قبورغه سى قيليچ

ميلتى غى بار بوغوم قميچ پتره سى قوم بلاق دن

رزم قيلورغه مايه سى تيرو توفنك و سايه سى

اصلحه چرح فايه سى نيزه لارى قباق دن

چادرى تنك و تار اويه چيله سى بوركون بويه

قورخانه سى قزان كويه زنبركى اوچاق دن

قوربقه موزديکانچى سی تاشبقه امتحانچيسی

کپريتيکان سنانچيسی ششپرى جين چراقدن

ايشيك آغاسى كوركورك مرشبى كورشپپرك

توپقطارى فرشتورك پروانه چى جزايت دن

آت لارى كوربه و مشق لاغر اريغ و عاشق

قوتو خاريش و قيچيق جسمى آلا تراق دن