Zerrspiegel [ Search ] [ Index ] [ Edit ] [ About ]

Стихотворение посвященное критике Дукчи-ишана – предводителя Андижанского восстания 1898 г.(усл., аноним, №2)

Description

Второе анонимное стихотворение (Государственный архив Республики Узбекистан, №1009, Личный фонд Н. Остроумова, опись №1, дело №109, лист 26а).

Categories

Военное дело Восточные слова Географические названия Город и архитектура Жилище и утварь История Ишан Йикчи ишан Казань Келья Кизилбаш Котел Культура Люди (Этнографическое описание) Мазхаб Машина Минарет Минг-типа Муджтахид Мусульманское образование Орудия труда Падишах Политика Пророк Религия Русские слова Самооценка Святой Суфи Ханака Царь Черкес Шах Шейх Шиит Этнические и племенные группы اتقيا اصفيا

Editor

AE, MB

Text

احوال هجويات ايشان مينك تبه كى

اى جهاندارشاه باهشمت

فقرا پرورُ علو دولت

نيچه يلدوركه بيز رعيت لار

كورماب ايردوك جفا محنت لار

مملكت لاركوب ايردى ارزانليق

يتيم اوغولغه چوخ فراوانليق

عيشُ راحت بيله فراغت دين

ايمين ايردوك جميع آفت دين

هيچكيم دين يوق ايردى ظلمُ ستم

كيمسه كا يتماس ايردى دردُ الم

كوچه لارده عجب امارت لار

رسته اهليده كوب سخاوت لار

فقرأ برچه اغنيا بولدى

جمله غه نشو ايله نوا بولدى

غلتی ليک لارده تورلی متاع

هوس اهلى غه ايردى کيفُ نشأ

همه زرين قبا ُ کلکون پوش

بولدى بزاز نيچه كهنه فروش

كيدى اطلس نى نيچه جول فوشلار

عقل تابتى تمام بيهوش لار

كوپايب مملكت ده سوداكر

آقچه دانيغه تولدى سيم ايله زر

كيچه كوندوز دعا قيلار ايردوك

خمر برلا رسوا قيلار ايردوك

تينچليك برلا سرفراز ايردوك

عز و دولت ده بى نياز ايردوك

چيقتى مينك تپه ساريدين ناكاه

ييكچى ايشان ديب عامى كمراه

ايردى بر ييكچى شوم بد كهرى

بر كسافت مأب حيله كرى

شيخ ليك دعوى سين قيليب نيچه يل

ايكرى بولسه بولورمو تيل بيله ديل

اوزى بر عامى ايشك بولسه

بى برد بى ثمر خشك بولسه

لاف ايشانليك ايلاب اول ناكس

يا قزيل باش ايرور يا جركس

حيله لار برله خانقاه قيليب

يخشى لار مذهبين تباه قيليب

آش ُ نان برله ايل نى صيد قيليب

دامُ تذوير ُ مكرُ كيد قيليب

ايل نى رسوا لى يوليغه باشلاب

اهل سنت مذاحبين تاشلاب

عامى ليك خمريدين بولوب بدكيف

ايل نى رسوالى يولغه سالدى حيف

كيمكه بى علم شيخ ليك قيلسه

يوق عجب اوشبو حال ايله اولسه

اوزينى چاغلاماى قيليب اغوا

بولدى عالم اراسيده رسوا

اوزى حسرت ده اولدى و كيتى

ليك ايل كا كسافتى يتى

بى كنه لار كناه كار اولدى

شاهيميز خجلتيده زار اولدى

شرمسار اولدى مونچه يخشى يمان

حاليميز شاهيميزكا بولسون عيان

اوشبو ايشده كناه سيز دورميز

حقدين اوزكا پناه سيز دورميز

ينه ايتاى بو ايت كسافتى نى

مومين ايلكا بلا و آفتينى

ايلكارى تيسكارى منار قيليب

نيچه نى يركا خاكسار قيليب

قويوب اشخانه سيكا ماشنه لار

علم نيرنكُ حيله ياشنه لار

بر بلند تام اوزا قزان نى قويوب

ايل كرامات اوليا كا جويوب

كركان ايل نيچه سين سقالى كويوب

كوب خجالت بيله اوياتكا قويوب

بو رويش يوق ايدى نبى لارده

اصفيا اتقيا ولى لارده

روح پاك نبى لار اوردى مكر

مجتهدلار ولى لار اوردى مكر

كوب عزيز قاليب يمان اسناد

بى ادب شريدين فغان ايله داد

بى ادب بر اوزين يمان توتماز

بلكه عالم نى بوزماين اوتماز

چوزماين سوزنى مختصر قيلديم

بو رموزلار بيله بسر قيلديم

بر دعا ايلانكيز خلايق لار

صدق ايله راست سوزده صادقلار

ساقلاسون يورتى ميز نى آفت دين

توشماسون شاهيميز عدالت دين

شكر لله محب دل اكاه

كورماديم من انينك كبى كمراه

تمت