Zerrspiegel [ Search ] [ Index ] [ Edit ] [ About ]

ايشان نى ايكنچى هجوياتى

Description

Четвертое анонимное стихотворение, посвященное предводителью андижанского восстания 1898 г.(Государственный архив Республики Узбекистан, №1009, Личный фонд Н. Остроумова, опись №1, дело №109, лист 26б).

Categories

Администрация Ак Падишах Военное дело Война Волнение Волость Восточные слова Географические названия Жилище и утварь История Ишан Казань Киргиз Котел Кочевник Культура Маргилан Мошенник Мятеж Нож Обычаи и обряды Орудия труда Оценка Падишах Политика Религия Русские слова Сай Казиси Самооценка Таш куприк Турок Уезд Шайтан Шейх Этнические и племенные группы مينك اوجيوز اون آلتى چوكى

Editor

AE, MB

Text

ايشان نى ايكنچى هجوياتى

چيقتى بر مكاره ياران مرغنان اويازيدين

تابتى شهرت اول ايشك بركان فراوان آشيدين

بر توقوز قزان قوروب بى اوت پيشادور آش ديب

برچه نى مغرور ايتوب ييغدى جهان اطرافيدين

عامى ايردى ليك احساندين تاپيب شهرت جهان

ييغيلوردى اير و خاتون آنچنانُ اينچنين

اول فريب كر اوزينى خيله بيلان شيخ كورساتيب

ايلادى قيرغيزُ ترك نى اوزيكا مخلص چنان

كوب آشيب كيتى اوزيدين آخرى جينى بولوب

اوغريلارديك كيچه سى جنك قيلديلار فچاق بيلان

تانك آتماى قاچتى انداغكيم قاچادور اوغرىلار

اوچكون اوتماى توتى قادرقلى دلاور بى كمان

خذمت شايسته قيلدى تابتى آنى آختاريب

تاش كوپروك اوستيده باغلاب بويان بولدى روان

عامى ليكدين آخرى رسوايى عالم بولدى اول

كوب يمان ايركان يمانليكده يمانلاردين يمان

آق پادشاه دولتيده كوب خاطرجمع ايدوك

كوب قورقدوك كوب چاچيلدوك بيزكا هم بولدى يمان

پادشاهى عادل ايركان يخشى يمان اجراتوب

اول يمانغه بيش كيشى نى قوشوب آستى اولزمان

دارنى آستيده چاه كاولاب الارنى سالديلار

سو قويوب آهك بيلان دودين چيقاردى آسمان

ييكچى ليك انكا لقب ايردى اوزى شيطان دين

بى رويش چوكى صفت اما اوزى يلغان ايشان

اصلُ نسليدين انى هيچكيمسه آكه بولمادى

بيلمادى هيچكيم انى بيلكانلار ايتور پاده بان

نيچه بولوست اول ايشان حاليدين آكاه اولمايين

اورنيدين بيكار بولدى دلده كوب ارمان بيلان

لازم ايركان پادشاه ليك خذمتين قيلدى بجا

قالدى جاييده توروب از تحت دل خذمت قيلان

فتنه آخر زمان ايركان انى بيلدوك يقين

منكه ساى قاضى سى دورمن اندكى قيلديم بيان

سال تأريخى ايدى مينك اوجيوز اون آلتى ده

ليك اولكان كونى ايردى 1 نجى سرطان

هيچكيم بيلماس ايكان قيسى سلوكده ايركانين

شوملوغيدين بى جنازه كيتى بيش قومى بيلان