Zerrspiegel [ Search ] [ Index ] [ Edit ] [ About ]

Стихотворение Надим Намангани (1844-1910), посвященное критике Дукчи-ишана - предводителя Андижанского восстания 1898 г.(усл., n°3)

Description

Институт востоковедения Академии наук республики

Узбекистан, фонд-1, №4182, 82б-83б.

Categories

Абу Бакр Али Андижан Бог Вера Военное дело Восточные слова Географические названия Еврей Идол Император История Исфаган Йикчи ишан Казак Казань Киргиз Китаец Конфессиональные группы Коран Котел Культура Манжу Минг-типа Муджтахид Мужик Мулла Мусульманское образование Мятеж Надим Намангани Обычаи и обряды Оценка Пир Политика Право и судопроизводство Пророк Религия Рум Русские слова Сайид Самооценка Сибирь Солдат Торговец Торговля Туран Фараон Фергана Ханака Ходжа Христианин Чудотворство Шайтан Шариат Шах Шейх Этнические и племенные группы عثمان عمر مصطفى مناره

Editor

AE, MB

Text

عالم ايليدين اولغان قطب جهان خليفه

بولسه فناى مطلق اولدور عيان خليفه

حق دن بولك تابيلمس قربت نشان خليفه

درياى معرفت دور طبعى روان خليفه

اول وارث نبى دور عرش اشيان خليفه

بو بكر ايردى صادق صدق سخاوت ايجره

عمر شهنشه ايردى تخت عدالت ايجره

عثمان شهيد بولدى عين تلاوت ايجره

شير خدا على كيم ايردى شجاعت ايجره

بو تورت مصطفى كا بى شكان خليفه

اصحاب آل ايرورلر سر حلقه عزيزان

آينه حقيقت انوار قطب دوران

صبح شب معارف برمشتهدُ پران

حبل التين ملت حصين الحصين ايمان

ديرلر بولرنى اهل كرد پيان خليفه

ايردى جنيد بشرُ داود كاى رهبر

بو حفيض ُ نقش بند ازل بايزيد سرور

اول جمله اوليالردين نبى غه زيور

بحر علوم ايجره غواص درُ كوهر

دامانيدين جهان كا كوهر فشان خليفه (83a82b)

هر برلريده ظاهر ايردى خدا ثناسى

يوق ايردى هيج دنيا امرنى اقتضاسى

بولغان فناى مطلق امت نى رهنماسى

ارباب معرفت نى مرشد پيشواسى

بلكاى لر انى يردن تا آسمان خليفه

يوق دور الرده هركز بيهوده كرايله فر

نه دستكاه ظاهر كته قزان ُ لنكر

نه لاى دين مناره قرغز قزاقى زن غر

نقشين عصا ُ كجكول مله جفان قلندر

نه ذكرفكرى ايردى آش ُ قزان حليفه

ايمدى عجب بو ايشى نيجه كله خرلر

عامى بى ديانت بر قانجه سنى غرلر

مانند كته تالى فوك فوروج غرلر

بى علمُ بى فراست ارباب شورُشرلر

واجير تاكه ايمدى هر زمان خليفه

مانند سامرى كوب عالمغه سالدى غوغا

بر نيجه پرى ناحق اهل رداى رسوا

اوباش لرغه بولدى مرشيد راست پيما

سيرت ده ديوى ملعون باطن لرى خداجا

اوشبو ديار ايليغه كان زيان خليفه (83b83a)

شيخُ خانقاسين ايلاب دام تذوير

حيوان غه اوخشاكانى چيكتى بو دامه بر بر

آش ُ قزانين ايتى نيرنك برله تدبير

حمق اهلين ايتى آخر بو حيله برله تسخير

اول روده پاى سوى مازندران خليفه

يعنى بو بر ايشانى مينك تيفه ليغ بيانى

اغداركان ايل باشيغه شورابه بلانى

بد اصل پر كسافت دجال وقت ثانى

خرس پلنك كوهى احمق نى كته كانى

موندين مراد بيل كيم يكجى ايشان خليفه