Zerrspiegel [ Search ] [ Index ] [ Edit ] [ About ]

Стихотворение Надим Намангани (1844-1910), посвященное критике Дукчи-ишана - предводителя Андижанского восстания 1898 г.(усл., n°4)

Description

Институт востоковедения Академии наук республики

Узбекистан, фонд-1, №4182, 84а-86а.

Categories

Андижан Вера Волшебство Восточные слова Географические названия Завоевание Иблис Ислам История Ишан Казань Келья Коканд Культура Мазхаб Маргилан Минг-типа Мулла Муршид Мусульманское образование Мухаммад Али Мюрид Мятеж Надим Намангани Наманган Неверный Обычаи и обряды Оценка Ош Перс Политика Религия Русские слова Самооценка Сатана Фергана Халифа Ханака Четки Чудотворство Шайтан Шейх Этнические и племенные группы

Editor

AE, MB

Text

مينك تيفه موضعيدين چيقتى وبا خليفه

تا خون نى وجودى بولدى بنا خليفه

اق تور تونى و ليكن قلبى قرا خليفه

مكر حيله دين آليب قولغه عصا خليفه

اسلام ايليغه سالدى كوب ماجرا خليفه

ايرانى ايردى ذاتى بيلماى خلايق آنى

مخلص بولوب باريسى مورتلارى يمانى

بيلسانك حماقتينى اوشبو ايرور نشانى

قبله ساريغه ايلاب حوليسيده خلانى

مردار لعنتى اول روسيا خليفه

عالمغه فتنه سالماق ايردى انى حيالى

قورسون آلهى مونداغ مرشيد نى جمالى

خيريت ايتى تنكريم ير قعرينى مكانى

يوقسه ايتاردى دعوت دينيغه احتمالى

بر وقت تابتى برهم اهل ريا خليفه

شدادديك جهان نى ملكينى قيلدى اباد

شيطان لعنتى كا اولماقجى ايردى استاد

ابليس لارنى بردى دستيكا خط ارشاد

اوزينى شيخ ايلاب آتينى قويدى ذهاد

تسبيحى آخر اولدى وا حسرتا خليفه (84b84a)

تسخير خلق قيلغان مكارلاردين ايردى

البته يلغان ايردى هرنكته كه ديدى

ايرمسمو بو علامت يوق ملادين مريدى

اى عامى لار كورونك لار اول بدرك پليدى

موندين آلهى برسون بزكا فنا خليفه

قالسون سبيل آلهى او مله تونى ردالار

تسبيح دلق كجكل نقش ايلاكان عصالار

صياد دامى ينكليغ اول كته خانقالار

فكر فساد برلان ايتكان اول آه والار

عالم نى روزكارين قيلدى قرا خليفه

مينك تيفه دين خروجى ايرانى ايردى ذاتى

محمد على خليفه خلق ايچره آنى آتى

اول شور فتنه آميز يوق ايردى بر اوياتى

بو زنده پر بولماى برهم يدى حياتى

بولسه ايتاردى جورُ بيحد جفا خليفه

سوردوم پناكاهيم من اولادين ايزمنى

مجهول نسب ديب انى بردى برو خبرنى

فيسُ مخاو ديرمن بدرك بو بى پدرنى

كافر هم ايتماكان دوا بو سينى غرنى

مايوس قيلدى ايلنى مادر زنا خليفه (85a84b)

كونكليده بار ايكان دور اسلامغه عداوت

بو فتنه دين مرادى اول بدرك فلاكت

اظهار مذهب ايتماق خلق حرمانينى غارت

ايلاب قاجيب كترمن ديب ايردى اصل نيت

خيريت اى يران لر بولدى فنا خليفه

شيخ زمانه لرنى هركز كوزيغه ايلماى

نه بيريكا ايشانيب انديشه هيج قيلماى

باشيغه توشتى كلفت راه رويش نى بيلماى

هركز انى دليغه وهم عذاب كيلماى

كمراه لرنى شيخى كان خطا خليفه

مينك تيفه مرغيلاننى كاسان شهرخاننى

خوقند هم نمنكان اوش ايله انديجاننى

خلقى نى ملزم ايتينك شيخى نيجه زماننى

يركا قراتينك آخر بر نيجه نكته داننى

انديشه ايلمس سن ابله نما خليفه

بعضين يتيم ايلاب قيلدينك جدا اتادين

بيخان مانُ سرسان بدتر ايتب كدادين

ايلاب جدا برونى خيش ايله اقربادين

بعضى نى جفتى دين هم بعضى نى آشنادين

بولماى آلهى اولغيل پرهدا خليفه (85b85a)

كوهرنى تابغان ادم كورساتمغاى كشيغه

حق دين بولك نى ديماى پُخته بولور آشيغه

توتمس قولاغ هركز هر عالم مشمشيغه

اولكيل آلهى قالدينك عالمنى تشويشيغه

كذب ايله ديب هميشه من اوليا خليفه

اهل سلوك ديكان كم ايلر بسى علايق

دنيانى ترك قيلغاى البته اى خلايق

بولغان نلى دليغه آنى هميشه صادق

كر بولسه دينك آنى ايدوست لر منافق

محمت على ايشان ديك كان جفا خليفه

عالم ديكان ايشك لر اخلاص بى معانى

ايلاب كسافتى دين كيلتورديلر بلانى

البته دى كرامت ايشانيمز قزانى

ايمدى يسانكجى باريب اول مفت آشُ نانى

زهرُ زقوم بولسون يكان غذا خليفه

(ملخق دور بو امن محمس نادم دن)

باردور حديث هر كيم بى علم بولسه ...

جتى بولور و ياكيم اولكاى بغير ايمان

اوشبو جهت دن اولدى جنى و قيلدى طغيان

فرغانه ايجره سالدى شورُ فساد طوفان

معجون جمله علت بحر بره خليفه (86a85b)

ضالُ مضل ايدينك سن كمراه لرنى پرى

ابليس ديوُ شيطان بيرولرنى اميرى

اهل زنا ُ زندق اوغرى نى دستكيرى

فسق ُ فجور ايلينى شرمنده ُ شريرى

يوق ايردى سنده هركز شرم حيا خليفه

تاريخ بر مينك اوج يوز اون التى سيده غوغا

مينك تيفه ليغ ايشاندين عالمغه بولدى پيدا

كوياكه سوركى ايجتى فرغانه بولدى رسوا

پاك ايتماكى كماندور كر كيلسه سوردريا

قيلدى ُ كيتى ايلمنى كوب تحت پا خليفه

مونجه فسانه لرنى من ايلاديم كه تحرير

بولغايمو ديب يران لر عامى ايليكا تفدير

عالم ايشانكا هر كيم قول برسه ايلبان پر

خرسندليغ ده كيجكاى عمرى بولوب جهان كر

مونداغ كيشينى بولمس ترعى عذا خليفه

هر امركيم بولوبدور خاكى بر خاكدانده

هيج اختيار بولمس يخشى بيله يمانده

نه قرب حاصل اولغاى مخلوق ناتوانده

هر نيك ُ بدنى حكمى خلاق انسُ جانده

نه سندين نه مندين حكمى قضا خليفه