Zerrspiegel [ Search ] [ Index ] [ Edit ] [ About ]

Стихотворение Надим Намангани (1844-1910), посвященное критике Дукчи-ишана - предводителя Андижанского восстания 1898 г.(усл., n°2)

Description

Институт востоковедения Академии наук республики

Узбекистан, фонд-1, №4179, 222б-224а.

Categories

Андижан Бог Военное дело Восточные слова Географические названия Еврей Жилище и утварь Земледелие и ирригация Идол Император История Исфаган Йикчи ишан Казань Киргиз Китаец Конфессиональные группы Коран Котел Культура Минг-типа Молитва Муджтахид Мужик Мулла Мятеж Надим Намангани Обычаи и обряды Оценка Пир Политика Право и судопроизводство Пророк Профессиональные группы Религия Рум Русские слова Сайид Самооценка Сибирь Солдат Торговец Торговля Туран Фараон Фергана Ходжа Христианин Чудотворство Шайтан Шариат Шах Шейх Этнические и племенные группы اتقيا زهاد معبود موجوك پارسا پخته اميركان پران چار يار

Editor

AE, MB

Text

بو شورش زمانه بى حد يمان ايمسمو

طوفان غصه غم اثار قان ايمسمو

حق طاعتى نى قيلماى شرع نبى ده بولماى

سركشته اسرى بحر خان مان ايمسمو

ساداتُ خواجه ملا خواهى فقهُ دانا

تجارُ شيخ كبرا رنكى سمان ايمسمو

اوباش بى ديانت قواش اند صورت

سردار بو ديار كلفت نشان ايمسمو

پران پارسالار زهادُ اتقيالار

شيخان حانقالار شمس جهان ايمسمو

افسوس كيم زمانه كج بولدى جاودانه

يخشى بيله يمانه ظلمى نهان ايمسمو

هر لحظه دردُ غم دن بر نيجه ستم دن

زهر اب پر الم دن ازرده جان ايمسمو

هر كيم ده بولسه طلا خواهى جهودُ ترسا

بو ايل غه خواجه ين اول كته كان ايمسمو

ضنديق ديو صورت شرمنده بدولت

دركاهى جمله ايلغه دار الامان ايمسمو

خيرُ سخا يوقالدى فسق فجور الدى

بدعت كا شهر تولدى آخر زمان ايمسمو

دوقُ دغل يمان لر ظلمُ ستم كا كان لر

بو مملكت ايجيده مارُ چيان ايمسمو (223a222b)

بر خلق كارُ بارى ذكرُ فنُ شعارى

بو پخته اميركان كايش جان ايمسمو

شيطان آدمى خواصلى خطا ُ منجو

سيرُ فته جفاجو يكجى ايشان ايمسمو

جادوكر زمانه سحريدين آشخوانه

فرعون دن نشانه فوك قزان ايمسمو

مردم كا سالدى غوغا اول جنى ديو آسا

اى اهل عقلُ دانا بيزكا زيان ايمسمو

حق لطف دين ديار فرغانه اى برادر

محكوم ايمفراطور دار الامان ايمسمو

نصرانى لرنى شاهى داراى كجكلاهى

از نصرت الهى صاحب قران ايمسمو

بيزلر انكا رعيت اندين بو ايل كا شفقت

ملكى خطا ُ رومُ تا اسفهان ايمسمو

يكجى ايشان نادان دجال ملك توران

عالمغه سالدى طوفان بو داستان ايمسمو (223b223a)

آنى كسافتيدين اول فتنه آفتى دين

كوب ايل اسيرُ زارُ بى خان مان ايمسمو

بعضى اسيلدى يتى بعض سبركا كيتى

غربت ده زار يغلاب كوز خون فشان ايمشمو

مونده قاليب بلاسى همشيره ُ اغاسى

ايش خاندان لريغه آهُ فغان ايمسمو

مينك تيفه غارت اولدى كوب نى اويى بوزيلدى

اورنى موجوك كا بولدى ظلم عيان ايمسمو

سيلاب بولدى برهم يتى الوس غه مينك غم

ضعف اولدى دين كم كم بو امتحان ايمسمو

ويرانه بولدى خاكان اهلى همه پريشان

يوزى بيلان يقيلكان اول انديجان ايمسمو

فرغانه تنج ايردى قرغز بو ايشنى قيلدى

صلات لر قصاصى بر جان كا جان ايمسمو

جرمُ خطا ُ ذلت كوب بولدى ايل كا غفلت

ايل كوزيكا كرامت آش ايله نان ايمسمو (224a223b)

اى خلق بى سرانجام عالم ده صبح ايله شام

ديب پرى جاهل خام سن يغلاكان ايمسمو

معبود جمله عالم يزدان پاك اعظم

شرازه بند آدم اول لامكان ايمسمو

قران ايرور كلامى مذكور تيلده نامى

بيزكا اتا انادين حق مهربان ايمسمو

اندين رسول برحق احمد ايرور محقق

دينُ شريعتى دين حكمى روان ايمسمو

اول افضل پيمبر جمله نبىغه سرور

محبوب هى داورعرش آشيان ايمسمو

اصحابُ چار يارى احفاد نامدارى

هر قيسى قطبُ هر غوث كلان ايمسمو

اقوال مشتهدين آثار اهل تدوين

حبل المتين و دست بو امتان ايمسمو

توتماى بولر طرفين .. ملت دين

اى خلق جهل آتين ذكرينك قزن ايمسمو

ايشان نى خانقاسى قيلغان اوزون دعاسى