Zerrspiegel [ Search ] [ Index ] [ Edit ] [ About ]

Ruslar qo`li ostidagi sharoitdan shikoyat (усл.)

Description

Стихотворение поэта Мухаййир (1845-1918) о его желании ухода из территории русского Туркестана. Источник: Дивани Мухаййир. Институт востоковедения академии наук Республики Узбекистан, фонд №1, рукопись №7493, 19б-20а.

Categories

Бухара Географические названия Культура Мухаййир Обычаи и обряды Оценка Политика Россия Русские слова Самооценка

Editor

AE

Text

سرما چيکان کوزلارين کوردوم قرا قاش الديدا

قوش کمان صياد ينکليغ اوق لاری حاش الديدا

يوليغه مژکان سپورکو کوز سو اورسه يوق عجب

شه قيان بارسه بارور البته فراش الديدا

دادلار قيلديم فغان چيکتيم ترحم قيلمادی

هر نيچه کيم اول بت ظالم دلی تاش الديدا

خرم اولماس بر زمان يوز جان فدا قيلسه کيشی

رسم آيين محبت بيلماکان ياش الديدا

وه نی جادو مهری يوق جلاددورلار کوزلاری

بر کسکچه قدری يوق هرکز عزيز باش الديدا

اه کيم بر لحظه عاشق لارنی سورمای حالينی

اولتورور هر کيچه سی تا صبح اويناش الديدا

جلوه قيلغاج خيره ايلار چشم حيرانمنی اشک

اول يتم ينکليغ که بورنی قانغای اش الديدا

خرمن عمريم نثار دانه خالی قيليب

مقصديم اظهار ايتب اولغای ايديم کاش الديدا

اشک ينکليغ هر زمان فاش ايلاکای اسرارينی

بولسه هر کمنی اکر ناجنس يولداش الديدا

ناتوان مسکن محير قيل بخارا ساری عزم

روسيه دوريده اولکونچه قرينداش الديدا