Zerrspiegel [ Search ] [ Index ] [ Edit ] [ About ]

مدح اعليحضرت وليعحد پادشاه جمجاه دولت عليه ً روسيّه بابنده

Description

Институт Рукописей НАН Азербайджана

M-131 3043

131

Л. 36-37

Автор: Гасым-бек Закир

Середина XIX века

Язык: азербайджанский

Тип источника: панегирик

Categories

Бухара Географические названия Египет Империя, российская Карабаг Китай Культура Оценка Панегирик Политика Поэт Сулейман Тифлис Хорезм Чеченец Этнические и племенные группы Юсиф حکم فرمان مجنون وليعحد کوه البرز

Editor

Sh.M.

Text

مدح اعليحضرت وليعحد پادشاه

جمجاه دولت عليه ً روسيّه بابنده

اي وليعهد سکا لطف خدا يار اولسون

دستکيرک ابدا قادر مختار اولسون

گلشن دهرده سرسبز نهال بختک

اي سرافراز جهان تا که جهان وار اولسون

چشم بددن سني حفظ ايلسون اول حيّ غفور

باخسه هر کس سکا کج درده کرفتار اولسون

سايبان سپهک اطلس چرخ اخضر

پاسبان خرکهکا انجم سيّار اولسون

جام عيشک مي کلرنکله دايم لبريز

قدح بزم نشاطک دخي سرشار اولسون

امرکا بنده ً فرمان بخارا و خوارزم

حکمکا چين و خطا تابع اقرار اولسون

دوشسه هر جايه يولک شام و سحر فتح و ظفر

شول بري پيشروک بري قفادار اولسون

دوستک خوشدل و خورسند اوله و بدخواهلرک

بيد مجنون کيمي همواره نکونسار اولسون

پرتو مهر رخک ايتسون افقدن طالع

چشم بدبين و عدو شپّره وش تار اولسون

نه عجب سمّ سمند سپهکله يکسر

کوه البرز بيابان کيمي هموار اولسون

چوخدر امّيد بو دم قوم چچن اهل آوار

داغلوب هر طرف آواره ً ادبار اولسون

شاهباز در دولت نه بيلور اوج و حضيض

کتورور چنکنه يوز طاير کوهسار اولسون

ايلدي خلد برين تفليسي فيض نظرک

باس قراباغه قدم مسکن گلزار اولسون

غلط ايتديم بو سوزي هاني او سر بزلرده

کيم وليعهد شهه لايق ايثار اولسون

يوخدي بو عصرده اول شاعر پرزور افسوس

ديه بر مدح که شاًنکده سزاوار اولسون

شعرا عيبي دکل ضابطه در طبع سليم

درک ايدر آني که کنجايش کفتار اولسون

باعث فخر وجودات اوله بر پاک نژاد

وصف اوصاف کمالات نه مقدار اولسون

نظم من پيش سليمان نيجه مور حقير

کتدي تا پاي ملخ حاجتي اظهار اولسون

پيره زن دستنه آلمش کلف ريسماني

يوسف مصره همانا که خريدار اولسون