Zerrspiegel [ Search ] [ Index ] [ Edit ] [ About ]

Благопожелание государю императору (Дуанама)

Description

Стихотворение Махджура с благопожеланием русскому императору в войне с Японией, написано в 1904. Источник: Туркистон вилоятининг газети, 1904, №25.

Categories

Oila Qayrma Raiyat Zomin Администрация Бог Военное дело Войско Волость Восточные слова Всевышний Географические названия Господство Государство Джизах Дуа Замин Император Кайирма Кишлак Махджур Министр Мир Молитва Мулла Хак Назар Саримсак Хаджи угли Народ Область Оценка Падишах Политика Пристав Профессиональные группы Революция Религия Русские слова Самарканд Самооценка Село Туркестан Уезд Участковый Чудотворство Шах Этнические и племенные группы Японец Япония اهل بيت دعانامه دهر ديزخ رعايا زامن قيرمه مهجور

Editor

AE, MB

Text

رب اشبو دور انده شاه نى سلا مت قيل

جملهء رعاياغه عد لينى حمايت قيل

يعنى ايمپيراطور اعظم مصد ر مروت نى

سلطنت بروجيده كوكبين سعادت قيل

اول جناب عالى نينك اهل بيت و اولادين

جادهء مسرتده غصه دين صيانت قيل

هم وزير اعظم لار كيم ايرور عد يم المثل

پايهء رواجيغه واجب الاعانت قيل

دهر انقلا بيد ين ساقلا برچه حكا مين

شفقتينى بزلاركا دمبدم كرامت قيل

عين عد ليد ين شهنى برچه غه نصيب ايلاب

اهل ربع مسكونغه باعث فراغت قيل

عاجزو ستمكشلار حاليغه ايرور ناظر

هرنه بولسه مقصودى دهر ارا كفايت قيل

عسكرى شكوهيد ين خصم نا مواساغه

يتكوروب تزلزللار شوكتين زيادت قيل

كيم ايتار يا پون ينكليغ شاه غه ادب تركين

طالعين ايتب منحوس حاصلين حسارت قيل

شاه وصفين ايلا ردين فكرتيم ايدى عاجز

دولتين دعا قيلديم لطق ايله اجابت قيل

دولتى ايرور باقى مونچه كيم د يد يم بسدور

يوقسه شه سين انسب دور قانچه كيم عنايت قيل

اول جهان پناه شه نى ايلادى دعا مهجور

كرچه ذره دور بيقدر قابل انابت قيل

تا نفس ايرور باقى بو ايرور تيليم ذكرى

يارب اوشبودور انده شاه نى سلامت قيل