Zerrspiegel [ Search ] [ Index ] [ Edit ] [ About ]

ياپون ايلان روسسيه لارنى ارا سيده غى محاربه لاريغه اوش اويازيده اوش بولوستيده تاشلاق كذر دهه سيده تورغوچى ملا عمر اوزاق امام نظر اوغ

Description

Стихи-благопожеление русскому императору в войне с японцами. Источник: Туркистон вилоятининг газети, 1904, №30, 29 июль.

Categories

Администрация Андижан Бог Военное дело Война Войско Волость Газета Географические названия Коканд Куропаткин Маргилан Мир Молитва Мулла Умар Узак Имамназар угли Наманган Народ Область Оценка Ош Падишах Победа Религия Россия Русские слова Самооценка Ташлак Туркестан Уезд Шах Япония تنچ عالم پناه كزيت

Editor

AE

Text

يارب سلامت ايتكيل عالم پناهمزنى

بزلارغه مهربان ليك اول دسكاهمزنى

برچه عالم نى تنچ قيلغان آكاهمزنى

هر آفتينكدين اسرا اول پادشاهمزنى

يتم بيوه بيچاره احواليدين خبردار

كوب عدل دور عالمغه يزقدور ظلميكه زينهار

آنى دشمنلاريغه يتكور بلانى بسيار

هر آفتينكدين اسرا بول پادشاهمزنى

قيلغان ايمش درياده بيحد جنكى مغلوبين

محكم بيلينى باغلاب جناب كوراپاتكين

بول روسسيه عسكرلار آلماق قصديده ياپون

هر آفتينكدين اسرا بول پادشاهمزنى

روسسيه لارغه يارى بيرغيل عسكرلاريغه

زيان زحمت نى يتكور ياپون لشكرلاريغه

بلانى برقى تيسون الم فكرلاريغه

هر آفتينكدين اسرا بول پادشاهمزنى

ياپونلارغه كورساتسون روسسيه ضربينى

يارب مبارك ايله فتح ايلاسون شهرينى

مدام دوران نى سورسون جهان بهرينى

هر آفتينكدين اسرا بول پادشاهمزنى

دايم دعاده دورلار اوشليك برله اندجان

خلايقى مرغنان خوقند هم نمنكان

يارب قبول ايتكيل ديبان تابيع تركستان

هر آفتينكدين اسرا بول پادشاهمزنى

زاره ايمدى الهيم روسسيه غه عنايت

قيلسه كرم موءمين لار دعاسى نى ايجابت

فقيرى التماسين مقبول ايتسه دوامت

هر آفتينكدين اسرا بول پادشاهمزنى

هر وقت يازيب توراميز كزيت ديكان آينه مثل ليك هر خيل آدملارنينك حسن و قبحنى اوزيغه كورساتادور ديب اوش شهريدين يازيب يوباركانى اوشبو شاعرنينك شعرينى بى تبديل و بى تغير كزيت كه سالدوك تا كيم مذكور شعرنى ايچيده كى سجع و وزن و قافيه لاريده كى قبيح لارينى معاينه كورسه لار كيرك ديب اوتكان وقت لارده شونكا اوخشاش بر شاعرنينك شعرى خصوصيده يازكان ايدوك * شعر ايتب سز همه بلند پس بريسى بر قريش برى اوچ كز ديب