Zerrspiegel [ Search ] [ Index ] [ Edit ] [ About ]

Обращение Кипчаков Ак-мечети к хану Хивы с жалобой на «неверных русских» и с просьбой о разрешении расселиться на территории ханства (усл.)

Description

Центральный государственный архив Республики Узбекистан, Фонд И-125, Канцелярия хивинского Хана

Опись-1, Дело-301/1

Язык: туркий

Categories

Администрация Ак-мечеть Восточные слова Географические названия Жалоба Кипчак Конфессиональные группы Мусульманин Право и судопроизводство Русский Хан Ханство Хива Этнические и племенные группы

Editor

Б.Б., М.О. / IF

Text

ابو المضفارى و المنصور و النعمر خان و ضل (!) سبحان

عرض نامه

عرض بنده ليكمز شاها عمرينكز اوزون دولتينكز فزون بوليب يوز عجز شكسته ليك بيرلان سمع شريف لارينكزكه ايرشيب قبول دركاهينكز اولما قندان خداى يم يزالدين هميشه تيلاكده ايرورمز امين و رب العالمين

بعد از دعا واميد عرض بنده ليكمز بو دوركم اق مجد(!) جولاك اوستنده مكان قليب ياتقان تورت توبه قيبجاق (؟) ديكان اوچ مينك اويليك ايل ايدوك زمانه اخر بولغاى يريمزنى بيدين كافر اوروس الدى (؟) بو بى دين كافر نينك شرارتيندين دين لارسيس بولغاى بلكى بو كون لارده رحيلاء تدبير قليب مسلمان لارنى ديندين جقاريب ضلالت يولينا الغيازا با لله كركرفك(؟) قصدينده بولدى بو وجه دينيمزنى قولدين برماليك دين اسلام طرافينه يوز قوياليق ديب بصدق دل ازبراى دين اوجون نيت قليب درياداى كينك دولتينكزدين ازبراى دين اسلام اوجون برادرى ضل الله (!) سايه نكزدين بو بى دين كافر دستندين قوتولوب اسلام داخلينا امان ايسان بالا چقه لاريمز ايلان يتمكمزكه سبب بولورميكان ديب پنا هينكزغه اميد ايلان كوز توتوب ادام يوباردوك ذياده نى ايتار مز صاحب اختيار اوزينكزده دور حاسل (!) اقضه (!) تيزراك قايتسه بشرطيكه واقت اوتوب برضرارغه اوجراماغاىمزلار الاهى عمرونكزنى اوزون دولتينكزنى فزون جهان كيرى روى زمين قيلغاى امين التقصر التقصر التقصر

[Подписи; печать неразборчива]